![Igikaze azibukirwa ni uko ku munsi wa Rayon Sports [Rayon Day] yeretswe abafana ateruwe mu ntebe.](https://www.ijwimonitor.com/wp-content/uploads/2024/09/harunaaa-2.jpg)
![Umukinnyi wa Manchester United ukina mu mutima wa defanse [ centre-back] Jonny Evans yamaze gutangaza ko asezeye mu ikipe y’igihugu nyuma y’imyaka 20.](https://www.ijwimonitor.com/wp-content/uploads/2024/08/Screenshot-2024-08-29-074300.png)
Missouri: Umujuru ruharwa w’umukecuru yatawe muri yombi na Polisi nyuma yo gufatirwa muri Bank ikomeye
Umugore w’imyaka 78 wigeze gufungwa inshuro ebyiri kubera kwiba banki yongeye gutabwa muri yombi bwa gatatu nyuma y’ubujura bwa banki muri leta ya Missouri muri Amerika, nk’uko polisi ibivuga.
Bonnie Gooch yinjiye muri Goppert Financial Bank maze ahereza akandiko umukozi wo kuri ‘guichet’ ya bank amusaba ibihumbi by’amadorari muri cash.
Agiye kandi yasize akandi kandiko kavuga ngo “Urakoze, umbabarire sinari ngambiriye kugutera ubwoba”, nuko yatsa imodoka ajyanye izo cash. Amashusho y’umutekano yerekana Bonnie Gooch akubita kuri ‘guichet’ ahatira umukozi wa banki kumuha Cash vuba.
Amakuru avuga ko hiyambajwe Polisi maze iza gufata uyu mukecuru yahaze manyinya n’inoti yazinyanyagije mu modoka.
Yahise atabwa muri yombi aregwa icyaha cyo kwiba cyangwa kugerageza kwiba banki nk’uko Police Chief Tommy Wright yabIBwiye ikinyamakuru Kansas City Star.
Yagize ati “Ubwo abapolisi bamwegeraga, babanje kwibwira ko bibeshye…ni umukecuru mutoya wasohotse [mu modoka]. Mbere twabanje kugira ngo twibeshye ku muntu.”
Si ubwa mbere Bonnie Gooch ashinjwe ubujura kuko muri 1977 yarabuhaniwe muri California arongera ahanirwa kwiba banki mu 2020 ubwo ngo yahaye umukozi wa banki ikarita y’isabukuru yanditseho ngo “ubu ni ubujura”.
uyu mukecuru ubu ari muri kasho aho ashobora kurekurwa atanze $25,000 (27,000,000 Frw).
